Logo

İlham Zəkiyevə vəzifə verildi


Milli Paralimpiya Komitəsinin (MPK) nəzdində Məşqçilər Şurası və İntizam Komissiyası yaradılıb. Topxeber.az bildirir ki, qurumdan report-a istinadən verilən məlumata görə, bu barədə qərar MPK-nın Ümumi Yığıncağında qəbul olunub. Qərara əsasən, Məşqçilər Şurasının (MŞ) sədri MPK-nın baş katibi vəzifəsinin səlahiyyətlərini müvəqqəti icra edən Kamal Məmmədov olub. MŞ-nın tərkibində Rauf Mürsəlov, İbrahim İbrahimov, Alavərdi Culfayev, Oleq Panyutin, İlqar İbişov və Tərlan Hacızadə də yer alacaq. İntizam Komissiyasının sədri vəzifəsi ikiqat paralimpiya, ikiqat dünya və yeddiqat Avropa çempionu, “Bakı-2015” Avropa Oyunlarının qalibi, MPK-nın vitse-prezidenti İlham Zəkiyevə həvalə olunub. Komissiyanın üzvləri isə Mehman Kərimov, Səlhət Abbasova, Yaşar Hacıyev və Elxan Rəhimovdur. Topxeber.az