Logo

Əhaliyə göstərilən ödənişli xidmətlərin məbləği açıqlandı


Bu ilin ilk iki ayında əhaliyə göstərilən ödənişli xidmətlərin dəyəri 2017-ci ilin eyni dövrü ilə müqayisədə real ifadədə 1,5 faiz artaraq 1274,2 milyon manata çatıb.

Topxəbər.az "Report"a istinadən bildirir ki, hüquqi şəxslər tərəfindən əhaliyə 933,8 milyon manatlıq xidmət göstərilib. Bu isə xidmətlərin ümumi dəyərinin 73,3 faizini təşkil edib.

Cari ilin yanvar-fevral aylarında hər bir ölkə sakini orta hesabla 130,2 manatlıq və ya ötən ilin müvafiq dövrü ilə müqayisədə nominal ifadədə 4,6 manat çox müxtəlif ödənişli xidmətlərdən yararlanıb.