Logo

Əfqanıstandan Tacikistana narkotik maddə keçirmək istəyən üç qaçaqmalçı öldürülüb


Ötən gecə Tacikistan-Əfqanıstan sərhədində, “Saed” zastavası ərazisində Tacikistana böyük miqdarda narkotik maddə keçirməyə cəhd edən əfqan qaçaqmalçıları tacik sərhədçilərin müqaviməti ilə rastlaşıb.

TopXeber.Az bildirir ki, baş verən atışmada üç əfqan qaçaqmalçısı öldürülüb, biri yaralanıb, bir neçə nəfər isə qaça bilib.

Tacikistan Milli Təhlükəsizlik Komitəsi mətbuat xidmətinin yaydığı məlumata görə, onlardan 45 kiloqram narkotik maddə götürülüb. Sərhədçilər, həmçinin hadisə yerindən iki Kalaşnikov avtomatı, çoxlu patron aşkar ediblər.