Logo

Bu gün ABŞ-ın Qüdsdəki səfirliyinin açılış mərasimi keçiriləcək


Bu gün ABŞ-ın İsraildəki səfirliyi Tel-Aviv şəhərindən Qüds (Yerusəlim) şəhərinə köçürülür.

TopXeber.Az-ın verdiyi məlumata görə, bu gün saat 17.00-da səfirliyin rəsmi açılış mərasimi keçiriləcək.

ABŞ prezidenti Donald Tramp mərasim iştirakçılarına vidiekonfrans vasitəsilə müraciət edəcək. Tədbirdə iştirak edən ABŞ nümayəndə heyətinə D. Trampın qızı İvanka, kürəkəni Jared Kuşner, maliyyə naziri Stiven Mnuçin daxildir.

ABŞ nümayəndə heyəti açılış mərasimindən əvvəl İsrail Xarici İşlər Nazirliyində keçirilən tədbirdə iştirak edib. Tədbirdə çıxış edən İsrail baş naziri Binyamin Netanyahu prezident Trampın ABŞ səfirliyini Tel-Avivdən Qüdsə (Yerusəlim) köçürmək barədə qərarını tərifləyib və bunun “cəsur bir qərar” olduğunu bildirib

Bu gün fələstinlilərin böyük etiraz aksiyası keçirəcəyi gözlənilir. Fələstinlilər Şərqi Qüdsü müstəqil Fələstin dövlətinin gələcək paytaxtı sayırlar.