Logo

Azərbaycanda nənələrdən ibarət cinayətkar qrupu saxlanılıb – Video


 Zərdab rayon polis şöbəsinin əməliyyatçıları rayonun Məmmədqasımlı kənd sakininin evindən 6 min manata yaxın pul, 1600 ABŞ dolları və qızıl zinət əşyaları oğurlamaqda şübhəli bilinən dəstə yaxalayıb.

 TopXeber.Az Yenicag.az-a istinadla xəbər verir ki, 3 nəfərlik dəstə qadınlardan ibarət olub.

Hadisə may ayının 4-də baş verib. Zərdab rayonunun Məmmədqasımlı kand sakini Fuad Eyvazov rayon polis şöbəsinə müraciət edərək evindən külli miqdarda pul və qızıl-zinət əşyalarının oğurlandığını bildirib. Zərərçəkmişin sözlərinə görə, hadisə səhər saat 9-dan 12-yə qədər olan müddətdə, evdə heç kimin olmadığı zaman baş verib.

Mənzildən 5 min 840 manat, 500 rus rublu, 1600 ABŞ dolları və qızıl-zinət əşyaları aparılıb. Keçirilən əməliyyat axtarış tədbirlərinin nəticəsi polis əməkdaşlarını da, kənd sakinlərini də təccübləndirib. Oğurluqda şübhəli bilinərərk saxlanilanların üçü də qadın olub. Seyran Nadirova, Xəzəl Bəkirova və bacısı Nazdı Mahmudova saxlanılıb. Onların barəsində həbs qətimkan tədbiri seçilib.

Faktla əlaqədar cinayət işi başlanılıb.