Logo

Ata və azyaşlı oğlu avtomobilin altında qaldı - Uşaq ölüb + FOTO (YENİLƏNİB)


 Xəbər verdiyimiz kimi, dünən axşam Qəbələ rayonunun Hacallı kəndindəki qəzada körpə uşaq Haqverdiyev Rövşən (6 yaş) ölüb, atası Haqverdiyev Rəvan (27 yaş) isə ağır yaralanıb. 

Uşaq atası ilə yolu keçərkən onları maşın vurub:

*** 11:20

Qəbələ rayonunda ölümlə nəticələnən yol-nəqliyyat hadisəsi baş verib.

TopXeber.Az APA-ya istinadla xəbər verir ki, hadisə ötən gecə Qəbələ-Ağdaş yolunun Hacallı kəndi ərazisindən keçən hissəsində qeydə alınıb.

Ağdaş sakini, hazırda Bakıda yaşayan 1982-ci il təvəllüdlü Mustafayev Viyanur Ətraf oğlu idarə etdiyi 10-SZ-127 dövlət nömrə nişanlı, "Opel Astra” markalı minik avtomobili ilə hərəkətdə olarkən yolu keçən piyadaları - Hacallı kənd sakini, 1991-ci il təvəllüdlü Haqverdiyev Rəvan Rövşən oğlunu və onun 6 yaşlı oğlu Rövşən Haqverdiyevi vurub. Hadisə zamanı 2012-ci il təvəllüdlü Rövşən Haqverdiyev aldığı ağır xəsarətlər səbəbindən hadisə yerində dünyasını dəyişib, atası isə xəsarət alaraq Qəbələ rayon Müalicə Diaqnostika Mərkəzinə çatdırılıb.

Faktla bağlı Qəbələ rayon Polis Şöbəsi tərəfindən araşdırma aparılır.